TEUNOLOXÍA

Bones tardes,

Güei comentaré dalguna cosina sobre esti tema, sobre too de cosines pa escribir n'asturianu.

Lo primero de too son dalgunos diccionarios que podemos alcontrar per interné. El primeru ye'l normativu que ye'l DALLA (http://www.academiadelallingua.com/diccionariu/), que ta fechu pola academia de la llingua, equí podeis alcontrar como ye la forma correuta d'una pallabra y el so significáu. El segundo tuvo espublizáu por "La Nueva España" que ye'l DGLA (http://mas.lne.es/diccionario/?oauth_comprueba=1&hash_user=811f263855fd8bb8e5942e9d3d2d3bb5) , equí alcontraréis como se dicen les pallabres en función de la zona, yá que vos aparecen por conceyos. Y por último ta l'eslema (http://www.it.uniovi.es/eslema/comun/diccionario.php), qu'apaecen les distintes formes de la pallabra.
Toos ellos tan perbien fechos y pue utilizase cualquiera pa facer dalguna consulta, pero la lóxica lleva a consultar el DALLA.

Tamién tenemos dalguna ferramienta pa correxir los testo qu'escribimos en word. El que yo tengo ye l'iguador que pue descargase na páxina de l'Academia de la Llingua (http://www.academiadelallingua.com/comun.php?seccion=iguador), esti apaez como complementu en word y ta perbien pa los apóstrofos o les contraiciones, pa lo demás nun val de muncho. Y a la hora de faer frases y intentar que tean bien escrites podemos utilizar otra ferramienta de l'eslema (http://www.it.uniovi.es/eslema/comun/traductor.php) que ye un traductor nel que si escribes de forma correuta les frases en castellán pue traducítelo al asturianu, anque hai que repasalo, porque dalguna vez hai enquivocos.

Pero amás de too esto, alcontramos na páxina de softastur (http://docu.softastur.org/Portada) un montón de ferramientes que ya tán n'asturianu pa descargar y utilizales nel nueso ordenador y otros proyeutos nos que tán trabayando pa da-y más valir a la nuesa llingua al traviés d'interné.

Como comentariu personal, descarguéme'l telegram n'asturianu y funciona perfeutamente y préstame asgaya utilizalu. Y tengo pensáu descargame'l llibre office y con ganes de que'apaeza l'android n'asturianu que por lo que lleí ta bien cerca de facese realidá.

Vos invito a probar estes ferramientes y yá me direis cuntando que vos paecen.

Un saludu.

La próxima entrada les normes d'acentuación.