Les normes d'acentuación son les mismes qu'en castellán, lleven tilde:
Les pallabres agudes lleven tilde si finan en n, s o vocal.
Les pallabres llanes lleven tilde na penúltima sílaba si finen nun finen en n, s o vocal.
Les pallabres esdrúxules y peresdrúxules siempre lleven tilde.
Dalgunes veces apaece un pronome dempues de la pallabra (me, te, -y, -yos, etc..), cuando se da´l casu, hai que contala como una sílaba más, asina que si tenemos una pallabra llana, conviértes en esdrúxula, por exemplu: dixo (ye palabra llana y nun s'acentúa) pero si apaez díxo-y (sí lleva tilde porque ye esdrúxula).
Acentuación de cunxuntos de verbu y pronomo enclíticu:
- Si una forma verbal lleva acentu por sí mesma, consérvalu al amesta-yún o dos pronomes átonos: Ex: mandó, mandólu; dicís, dicísnos; llevó, llevóvoslo.
- Cuando seý amiesta ún o dos pronomes átonos a una forma verbal que nun tien acentu por sí sola, pondráse-y si'l conxuntu resulta una pallabra esdrúxula. Ex: presta, préstame; dixo, díxovos.
- Y por últimu, a efeutos d'acentuación el pronomo -y cunta siempre como una sílaba. Ex: apurro, apúrro-y; da, dá-yla; quita, quíta-y.
Acentuación de diptongos y triptongos:
Siempre se pon tilde na vocal abierta.
-Agudes: faláu, amurniáu (que non amurniao), Uviéu, Tinéu.
-Llanes: caráuter, néutar.
-Esdrúxules: téunicu, práutici, viérmene.
-Peresdrúxules: tiénentelo.
Acentuación d'hiatos.
- Cuando se produz por dos vocales semiabiertes o abiertes acentúase na vocal tónica. Ex: océanu, neón, Noé.
- Nos producíos por una secuencia de vocal zarrada tónica + vocal semiabierta o abierta (o al revés), l'acentu tará na vocal zarrada. Ex: fíu, ferrería, crío, Raúl, feúcu.
A lo cabero de too esto, alcontramos los monosílabos, que por norma xeneral nun s'acentúen. (imaxe sacada de la gramática de la llingua).
Ye cenciellu y nun da problemes. Hai qu'avezase a ello.
Un saludu.
No hay comentarios:
Publicar un comentario