Güei voi comentavos qu'hai que trabayar colos peques de la casa l'asturianu, de manera oral si pue ser, que ye la meyor manera de que ellos deprendan dalgo o nun les suene tan raro lles cosuques que dempués deprenderán nel colexu. Pa ello ye bono que-yos pongáis dalgo de música, nesti ámbitu ye perbona la música fecha pol grupu "Xentiquina" y dígovos que funciona porque agora toi de práutiques nun colexu y la verdá ye que los de 1º cantan y bailan estes canciones con munches ganes y tengo que destacar dos: "El pitín" y "El canciu del sultán".
Amás de escuchar música ye bono que-yos leais dalgo n'asturianu, cuentinos curtios y con un llinguax cenciellu y hai dalgún perentreteníu y qu'amás tienen unos dibuxinos mui guapos pa enseñai-yos los. Pero equí voi ponevos un cuentín del que toi faciendo una torna al asturianu d'un llibru fecho por FAPAS sobre'l osbardu qu'apaeció feridu y que lu alcontraron unos turistas madrileños. Llámase Villarina, ye una torna llibre y de la que-yos pidi permisu, la que voi poner equí ye básica, pero toi faciendo-yos una meyor pa si dempués ellos quieren espublizala nun tengan nengún problema. Agora voi poenvos el primer capítulu d'esti cuentu.
Un saludo, espero que vos guste.
L'ESBARDU VILLARINA
CAPÍTULU 1
El mio primer iviernu na osera
Llámome Villarina, tengo
dos años y soi un esbardu.
La historia que voi
cuntar escomienza el día en que los mios hermanos y yo nacimos. Foi nuna osera
peqeñina que la mio ma escavara embaxo d’una gran piedra.
La osera- asina
llámase la nuesa casa- foi el nueso hogar al principiu. Yéramos tan fráxiles
que la nuesa vida dependía de la lleche y la calor de mama.
¡Nun teníamos pelo,
pesábemos menos qu’esti llibru y yéramos ciegos!
Fuera yera iviernu y
la Viesca taba cubierta de ñeve.
Cuando mama supo que
los mios hermanos y yo tábemos de caminu escomenzó a xintar munches castañes y
abiyotes pa ponese gorda como una peonza y asina poder fabicar lleche rico y
nutritivo pa nosotros.
Amás, dientro de la
nuesa osera, respiraba seliquino y facía que’l so corazón llatiese más
llentamente que de costume. Asina ye como ahorraba enerxía.
Ella sabía que
l’iviernu sería llargo y nun podría salir a buscar la comida.
¡Nuesa mama yera
increíble!
Un bon día, cuando yá
llevábemos cuatro meses na escura osera… ¡llegó la primavera! Los rayos del sol
derritireron la ñeve acumulaba na entrada de la nuesa osera.
¡Por fin podríamos
salir al esterior! Teníamos tantes ganes de saber qué yera lo que nos esperaba
fuera que los mios hermanos y yo nos punsimos a correr y blincar como llocos.
- ¡Esbardos! ¡Trubio!
¡Urrielu! ¡Villarina!
Mama taba
llamándonos, y como colos nuesos gritos nun podíamos oyirla, tuvo que ruxir con
toes les sos fuerces pa llamar la nuesa atención.
- Agora escucháime
con atención, esbardos. Esto que vos voi dicir ye perimportante si querésis
sobrevivir na Viesca. Entós mama dionos los tres conseyos que too osu debe
conocer:
1. Llenar el banduyu
siempre que se pueda.
2. Prestar atención a
los peligros de la viesca.
3. mantenese alexaos
de los homes.
Mama tamién dixonos
que cuando la bisgüela yera pequeña había cientos d’osos como nostros nestes
montañes.
¡Agora sólo queden
130! Eso ye dalgo terrible. Por esos tenemos qu’estar atentos a los peligros de
la viesca.
No hay comentarios:
Publicar un comentario