L'ARTÍCULU Y L'APÓSTROFU

Güei entamamos cola teoría de la nuesa llingua y falaremos de los artículos y de les apostrofaciones. Esto ye abondo fácil y creo que nun vos va costar nada entendelo a la primera.

L'ARTÍCULU

	MASCULIN	FEMENIN	NEUTRU
SINGULAR	El	La	Lo
PLURAL	Los	Les	-
EXEMPLOS	El Camín / la casa / los neños / les llámpares, lo azulono.

L’APOSTROFACIÓN

Na nuesa llingua cuando s’axunten nuna frase dos soníos, ún d’ellos desapaez, pue ser utilizando l’apóstrofu (‘) o contracción (verémosla más alantre).

N’asturianu solo s’apostrofen estes pallabres:

Artículos	El, la
Pronomes	Me, te ,se
Preposiciones	De, en, pa
Conxunción o’l relativu	que
TRUCU	En la de el, pa que metese

APOSTROFACIÓN DEL ARTÍCULU “EL”

Ye’l más complexo de toos. Hai tres casos onde pue aprostofase “el”:
1. Apostrofa pa la drecha (l’) cuando la pallabra que va dempués d’esti artículu entama per vocal o per “h muda”.

Ex: l’amigu / l’osu / l’hachu 
2. Apostrofa pa la izquierda (‘l) cuando la pallabra anterior acaba per vocal y la siguiente entama per consonante.

Ex: llee’l llibru / ye’l mayestru
3. Nel casu onde la pallabra anterior acabe en vocal y la siguiente entame per vocal, l’apóstrofu dirá a la drecha (l’).

Ex: conozme l’otru / comió l'armuerzu
4. Nunca s’apostrofa cuando “el” va precedíu de la conxunción “y” o del pronome “-y” a nun ser que-y siga vocal o per “h muda”.

Ex: dio-y el pan / la directora y el mayestru

	APÓSTROFOS	CUANDO SE FAE	EXEMPLOS
Artículo “la” y preposición “pa”	l’ p’	Solo apostrofen cuando-yos sigue una pallabra qu’entame per “a” o per “h muda” + “a” (ha):	Ex: l’abeya / l’hacha / tiró p’Aller / más p’alantre ta la Viesca.
Preposiciones “en”, “de” y pronomes “me”, “te” y “se”	d’ m’ t’ s’	Apostrofen cuando la siguiente pallabra entama per vocal o “h muda”.	Ex: n’hospital / la semeya d’esi neñu / nun t’atopé nel conciertu / hai que s’averar despacino / nun m’espurriré en clas
Conxunción y relativu “que”	qu’	·    Apostrofa cuando la siguiente pallabra entama per vocal o “h muda”. ·   Y nunca nun s’apostrofa nin cuando ye l’interrogativu nin cuando ye l’esclamativu. ·   Cuando “que” va siguíu del pronome “él”, fai l’apostrofación qu’él.	Ex: Ye más pequeña qu’esi guah.e / ¿Qué hora ye? / ¡Que animal yes! / nun quier oyer más que lo qu’él diga / nun pue dir porque diz que’l coche ta nel taller.